專題

2017星座建議

  • KEXTAMA.
  • Views: 4253
  • Replies: 0
  • Posted on: 4/1/2017 12:00:00

文章內容與本站無關,如有疑問,歡迎向本站查詢。

牡羊座

牡羊座鍾意堅持己見、熱愛挑戰,幾乎可以用所有精力迎接任何未知之數,但2017年,你哋要「跑耐力賽」。

否則你前半年將會浪費所有精力去挑戰一個競賽,但最後你會發現自己忘記咗初衷,點解會咁樣做,而令你半途而廢。所以建議你哋養精蓄銳,慢慢嚟,一步步行,將自己嘅堅持行得更長更遠,咁就可以喺艱困嘅時候撐落去!

 

金牛座

金牛座鍾意等時機到、等機會到、等到天時地利人和,但係2017「唔好再等啦」!

當你踏出第一步,一切先會開始轉變,先會有好嘅開始,唔好諗得過份複雜,向住岩嘅事情進發啦!

 

雙子座

雙子座有果句講果句,2017嘅建議係「小心禍從口出」。

停止對社會大眾嘅批判,嘗試唔好將自己嘅思想加諸喺人哋身上,阻止自己喺公眾場合議論同你觀念相反嘅人。

想表達自己當然無問題,但要學習以收斂啲嘅方式表達自己,可以試下搵一本專屬嘅簿將自己諗法寫係上面,寫下寫下,你會發現可以整理自己思維同時心情都會平靜架!

 

巨蟹座

巨蟹座天生心思細膩,但經常接受唔到錯誤,常常想否認自己出錯。

2017年你應該嘗試唔好依賴任何人,因為靠山,山會倒;靠人,人會跑,只有自己先係自己最可靠的依靠。

 

獅子座

獅子座係做決定之前,經常會問自己「咁樣做會唔會好無面?」、「咁樣做會唔會有咩後果?」,令你遲遲唔敢下定決心。

喺2017年裡面,嘗試做決定前唔好諗太多,「隨心行啦」!

 

處女座

處女座係完美主義者,同時樂於助人。

建議2017嘅你,「唔好忙住幫他人下棋」,試下唔插手,睇睇事情嘅變化,同他人有求於你時,先再比意見,你將會發現好多地方都會有明顯轉變,特別係你嘅人際關係。

 

天秤座

天秤座進入2017年,將會有機會繼續收穫之前所播下嘅種子,不過最重要嘅事情係你要「認清楚你唔需要嘅東西」,並且唔好驚傷害到周圍嘅人,試下同佢哋吐露真心話,練習拒絕自己唔需要、唔鍾意嘅事情,咁樣將會對往後生活大有好處。

 

天蠍座

天蠍座2017需要「練習接納」,將所有精力放係未來、放鬆自己、對身邊人比嘅意見採取接納同開放態度,從中獲得智慧,呢啲可能成為你開創未來嘅原動力。

 

射手座

射手座好想嘗試世上嘅一切,有好多話想講、好多事情想做、好多地方想去,好多想法想實踐。

而喺2017年,要「嘗試搵幫手」,你哋將會由別人嘅委託中得到好處,有機會建立自己事業,但試下搵幫手,必定會比起你自己獨力完成獲益更多。

 

摩羯座

摩羯座喺2017要「改變對富有嘅諗法」,富有並唔單單只存在係金錢上,對別人付出嘅善意、甚至係生活中、擴闊知識,都能俾人一種富足嘅感覺,呢啲都將會遠遠超金錢上帶比你嘅力量。

 

水瓶座

水瓶座喺2017面對恐懼將會係一件美好嘅事情,因為佢哋可以「由恐懼中獲得知識」,了解背後嘅真正原因,之後有同種事情發生的話,就能改變諗法、對症下藥、做出正確嘅行動。

 

雙魚座

雙魚係一個很重視感覺嘅星座,並且知道點樣運用心靈嘅力量。

雙魚喺2017年,對所有事件要「保持中立態度」,順其自然,只要你保持正向的思維,你就唔會怕失敗,甚至享受過程。

 

Source: Internet

Login with Facebook

Not yet reviewed by any member. You can be the FIRST one to write a review.
還沒有發表評論,您可以成為第一位發表評論的人。