旅行

【日圓回落7.3算】暑假去東京吉卜力博物館 同龍貓做好朋友!

  • kikil
  • Views: 4535
  • Replies: 0
  • Posted on: 27/7/2016 10:23:23

文章內容與本站無關,如有疑問,歡迎向本站查詢。

東京嘅吉卜力博物館開業已經有15年啦,早前就因為內部裝修而閉館幾個月,不過好消息係博物館喺7月16日已經重開啦,仲多咗好多新展品添!早排英國脫歐之後日圓係咁升,睇怕已經打退好多人遊日嘅計畫,但係第二個好消息就係日圓已經回落到英國脫歐前嘅水平啦!日圓回落到7.3算,睇嚟大家又可以重新啟動遊日計畫啦~

其中一個最吸引嘅新展館絕對可以喚醒大家心底入面嗰個小朋友!「上車吧!貓巴士帶你去吉卜力博物館!」就係一個重點展覽項目,主打嘅係毛茸茸嘅貓巴士座位,可以話係電影情節100%神還原!其他翻新展館亦包括《天空之城》、《魔女宅急便》、同埋《千與千尋》等等,連《哈爾移動唔到》(噢應該係《哈爾移動城堡》先啱)入面嘅3D打印城堡都有,當中一定有你嘅最愛~

有興趣嘅朋友除咗要記住早啲買飛,仲要記得唱定啲日圓呀!英國脫歐後日圓受影響急急升到8算,但係因為英國央行最後決定唔減息而即時下跌,一度跌穿7.3算回落至脫歐前嘅7.2算。更加有不少分析認為市場嘅態度顯示,只要日本政府冇推出特別對策,日圓就有可能跌至7算!大家記得望實匯率同分析啦!

Source: Internet

Login with Facebook

Not yet reviewed by any member. You can be the FIRST one to write a review.
還沒有發表評論,您可以成為第一位發表評論的人。